Емельяненко бокс ережесімен Ресейдің ең мықты адамын нокаутқа түсірді (видео)

Мәскеудегі бокс кешінің басты жекпе-жегі нокаутпен аяқталды. Супер ауыр салмақтағы Емельяненко қарсыласынан басым түсті

Ресейлік аралас жекпе-жек шебері Александр Емельяненко кәсіпқой бокс ережесі бойынша өзінің отандасы Михаил Кокляевке қарсы жекпе-жек өткізді, деп хабарлады sputniknews.kz

Спортшылардың кездесуі Мәскеудегі бокс кешінің басты жекпе-жегі болды. Кокляев пауэрлифтингпен шұғылданады – 2005 жылы ол Ресейдің ең күшті адамы атанған.

Супер ауыр салмақтағы төрт раундтық жекпе-жекте Емельяненко нокаутпен жеңіске жетті.

Александр кәсіпқой бокста алғаш рет жеңіске жетіп отыр, бұған дейін 2009 жылы бір ғана жекпе-жек өткізген, ол кезде төрешілердің шешімімен тең түсті – оның қарсыласы Хизир Пилев болды (2-0-1, 1 КО) болды. Спортшының ММА-дегі рекорды – 28-7-1.