Меншікті өндіріс
Біз әлеуметтік желілердеміз
Геннадий Головкиннің келесі қарсыласы белгілі болды
Головкиннің қарсыласы да IBF тұжырымы бойынша орта салмақта әлем чемпионына үміткер
Қазақстандық боксшы Геннадий Головкиннің (40-1-1, 35 КО) келесі қарсыласы анықталды. Бұл туралы ҚазАқпарат Sports.kz-ке сілтеме жасап хабарлайды.
«Осы жолы Головкиннің қарсыласы – өзі сияқты IBF тұжырымы бойынша орта салмақта әлем чемпионына үміткер, поляк боксшысы Камил Шеремета (21-0, 5 КО) болмақ», - делінген хабарламада.
Геннадийдің айтуынша, ол Шереметамен жекпе-жек өткізу туралы коронавирус пандемиясына дейін келіскен және «өзінің міндеттері мен уәдесін орындауға дайын».
Бұл жекпе-жектен кейін Головкин Мексика боксшысы Сауль Альвареспен (53-1-2, 36 КО) көптен күткен айқасқа дайындалатыны күтілуде.
Қазақстандық боксшы «Канеломен» мамыр немесе қыркүйек айында жұдырықтасуға дайын болғанын, бірақ қарсыласы жекпе-жектен қашқақтап, британдық боксшы Билли Джо Сондерспен (29-0, 14 КО) келіссөздер жүргізіп кеткенін атап өтті.