Алматыда киберспорт түрінен алғаш рет турнир өтті, деп хабарлайды Almaty.tv.
Додаға қатысу үшін еліміздің 96 командасы өтініш білдірген. Жарыс киберспорттың 3 түрінен өткізілді, ақтық сынға тек 12 команда өтті. Ұйымдастырушылардың айтуынша, алдағы уақытта мұндай сайыстар жалғасады. Турнирдің басты мақсаты – жастарды киберспортпен таныстыру және оны кеңінен насихаттау. Жарыстың жүлде қоры – 3 млн теңге.
«Біріншіден, Алматы қаласында және Қазақстанда осы кибер спортты дамыту. Екіншіден, жаңағы әлеуметтік жағынан алатын болсақ, іс-шараның мақсаты – жастарымызға түсіндіру», – деді ұйымдастырушы Дархан Дүйсенбиев.
