|
15.08.2022 | 17:39
2918

Алматы қаласының Орталық мәдениет және демалыс саябағындағы велотрек қайта ашылды

Велотректе велоспорттың 4 түрін дамытуға жағдай жасалған

Алматы қаласының Орталық мәдениет және демалыс саябағындағы велотрек қайта  ашылды

Алматы қаласының Орталық мәдениет және демалыс саябағында 1979 жылы салынған әрі жаңарған велотрек ашылды, деп хабарлайды Almaty.tv.

Іс-шараға қала әкімі Ерболат Досаев, қазақстандық велосипед спорты федерациясының президенті, бизнесмен Нұрлан Смағұлов, спорт қоғамдастығының өкілдері қатысты.

Спорт кешенін модернизациялау велотректі қазақстандық велосипед спорты федерациясының сенімді басқаруына бергеннен кейін демеушілік қаржы есебінен жүргізілді. Алматы әкімі Ерболат Досаев велотрек белсенді өмірді қалайтындар үшін тартылыс орталығына айналатынын және дәл осы жерде қаланың жас спортшылары  өз талантын аша алатынын атап өтті.

Велотректе велоспорттың 4 түрін дамытуға  жағдайлар жасалған, олар – маунтинбайк, ВМХ (трюк түрі), тас жол және тректер, сонымен қатар қаладағы ең үлкен скейтпарк. Велотректі бір мезгілде 100-ге жуық велосипедші пайдаланады. Кешен аумағында енді триатлеттер, жүгірушілер, пауэрлифтерлер, скейтерлер және т. б. жаттыға алады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир