Азамат Дәулетбеков Азия чемпионы атанды

Шығыс Қазақстан өңірі күрес мектебінің түлегі, 28 жастағы балуан Азамат Дәулетбеков Ұлан-Батырда өткен Азия біріншілігінде І-орынға ие болды, деп хабарлайды Almaty.tv тілшісі Zakon.kz сайтына сілтеме жасап.

86 келі салмақ дәрежесіндегі ақтық сында Азамат Дәулетбеков Үндістаннан келген балуан Дипака Пунияны 6:1 есебімен ойсырата ұтып, Азия чемпионаты тұғырының ең жоғары сатысына көтерілді.

Ауыр салмақтағы балуан Әлішер Ерғали 125 келі салмақта өтетін додада қазірдің өзінде күміс медаль еншілеп тұр, алда ол ирандық Аятолла Мохаммад казем Мохебимен күресетін болады.