Абу-Дабиде өткен UFC 257 турниріне қатысушылардың гонарары жарияланды, деп хабарлайды Almaty.tv.
Қазақстандық спортшы Жалғас Жұмағұлов Амир Альбазимен жұдырықтасып, төрешілердің бірауызды шешімімен отандасымыз жеңіліп қалған болатын.
Sportekz ақпараты бойынша, осы жекпе-жек үшін Жұмағұлов 13 500 доллар (10 000 – кепілді гонорар, 3 500-демеушілік бонус) тапқан.
Өз кезегінде Альбази 23 500 доллар алды: кепілдендірілген төлем мен бонустан басқа, оған жеңісі үшін 10 000 доллар төленді.
Сонымен қатар, Конор Макгрегордың сыйақысы кепілдендірілген төлем мен демеушілік бонусты ескере отырып, 3,04 миллион долларды құрады, ал Порье промоутерлік бонус пен жеңіс үшін 830 000 доллар алды.
