Қазақстан асық атудан жеңімпаз атанды

Фото: Астана қаласының әкімдігі

Еліміздің ерлер құрамасы Қырғызстанмен кездесті

Асық атудан Қазақстан ерлер құрамасы 5-ші Дүниежүзілік көшпенділер ойындарының жеңімпазы атанды, деп хабарлайды Аlmaty.tv Туризм және спорт министрлігінің баспасөз қызметіне сілтеме жасап.

А тобында қарсылас шақ келтірмей алғашқы орынмен ақтық сынға жолдама алған Қазақстан ерлер құрамасы Қырғызстанмен кездесті.

«Алау мұз айдыны кешенінде өткен финалдық ойында отандық асықшылар қарсыластарын 2:1 есебімен тізе бүктірді», - делінген хабарламада.

Айта кетейік, асық атудан Қазақстан ерлер құрамасы топтық кезеңде Өзбекстан, Испания, Грузия, Мажарстан және Монғолия құрамаларын 3:0 есебімен жеңіп, финалға жолдама алған болатын.

Оқи отырыңыз: Қазақстан ұлттық құрамасы көк бөрүден финалға шықты