|
10.12.2021 | 19:56
3726

Ержан Бабақұмаров Абу-Дабиде джиу-джитсудан өткен турнир жеңімпаздарына Президенттің құттықтауын оқып берді

Abu Dhabi World Jiu-Jitsu Championship турнирінде Сағадат Нұрмағамбетов атындағы клубтың спортшылары 9 алтын, 5 күміс және 4 қола медаль жеңіп алды

Ержан Бабақұмаров Абу-Дабиде джиу-джитсудан өткен турнир жеңімпаздарына Президенттің құттықтауын оқып берді

Алматыда қала әкімдігінің қолдауымен ел Тәуелсіздігінің 30 жылдығы аясында джиу-джитсудан Almaty jiu-jitsu kids cup халықаралық турнирі өтті. Жарысқа Қырғызстан мен Өзбекстан спортшылары келді. Сондай-ақ турнир аясында Абу-Дабиде өткен Әлем чемпионатының жүлдегерлеріне құрмет көрсетілді, деп хабарлайды Almaty.tv тілшісі.          

Abu Dhabi World Jiu-Jitsu Championship турнирінде Сағадат Нұрмағамбетов атындағы клубтың спортшылары 9 алтын, 5 күміс және 4 қола медаль жеңіп алды. Олардың барлығы 8 жастан 15 жасқа дейінгі жас санатындағылар ұсынды. Осылайша, Қазақстан құрамасы балалар мен жасөспірімдер арасындағы чемпионатта жалпыкомандалық бірінші орынды иеленді.

Сонымен қатар, 14 жасар Жібек Қалымбетова Абу-Дабиде джиу-джитсудан төртінші рет әлем чемпионы атанды. Нұрай Алтынбек екі дүркін әлем чемпионы, Райымбек Ержан екі дүркін әлем чемпионатының қола жүлдегері атанды.

Алматы әкімінің орынбасары Ержан Бабақұмаров Абу-Дабидегі халықаралық жарыс жеңімпаздарына Мемлекет басшысының атынан құттықтау хатын оқып берді. Ел Президенті мұндай жарыстардың өскелең ұрпақты қызықтыратынына және салауатты өмір салтын насихаттауға ықпал ететініне сенім білдірді.

«Жасыратыны жоқ, қазақстандықтар жауынгерлік өнерлерге қызығушылық танытады. Біз спорт шеберлеріміздің жарқын жеңістерін мақтан тұтамыз. Джиу-джитсу соңғы жылдары қарқынды дамып келеді, біздің құрама Азия және әлем чемпионаттарында танымал болды. Бұл турнир де спорттың осы түрін дамытуға септігін тигізеді деп ойлаймын», - делінген Президент Қ.-Ж. Тоқаевтың құттықтауында.

Е. Бабақұмаров жүлделі орындарға ие болған С. Нұрмағамбетов атындағы клубтың тәрбиеленушілерін құттықтап, оларға Алматы әкімі Б. Сағынтаевтың атынан алғыс хаттар табыс етті.

Қала әкімінің орынбасары жас спортшылардың мықты рухын тәрбиелеген Алматы джиу-джитсу мектебінің жетістіктерін атап өтті. Е. Бабақұмаровтың айтуынша, күнделікті еңбек барысында чемпион атанады.

«Сіз спортта алғашқы қадам жасаған құрдастарыңызды ғана емес, ересектерді де шабыттандырасыз. Сіздердің ерен жетістіктеріңізге көмектесетін балалар жаттықтырушыларына алғыс айтқым келеді - бұл ерекше миссия», - деді әкімнің орынбасары.

Сондай-ақ, Мәдениет және спорт министрі А. Райымқұлова да жылы лебіздерін білдірді. Оның атынан айтылған алғыс сөзде қазақстандық спорт әлемдік спорт аренасында құрметті орынға лайық делінген. Елімізде чемпиондарды тәрбиелеуге, дені сау ұрпақты өсіруге барлық жағдай жасалған.

Almaty jiu-jitsu kids cup турнирін Қазақстанның Халық Қаһарманы, армия генералы Сағадат Нұрмағамбетов атындағы Sagadat Batyr - QTT спорт клубы ұйымдастырды. Мұнда балалар, жасөспірімдер және ересектер спортшылары айналысады, олар чемпиондық белдіктерді жеңіп, джиу-джитсу мен грэпплингтен спорт шебері болады.

Жарысқа 6-15 жас аралығындағы 300-ден астам жас спортшылар, соның ішінде балалар үйінің тәрбиеленушілері қатысты. Олардың арасында Азия, Әлем чемпиондары мен ірі халықаралық жарыстардың жүлдегерлері бар. Әкімдіктің қолдауымен клубта «Жанұя» отбасы үлгісіндегі балалар үйінің 20 тәрбиеленушісі тегін жаттығады. Олардың барлығы қажетті жабдықтармен қамтамасыз етілген.

Еске салсақ, жан басына қаржыландыру жүйесі арқылы балалар спортын қолдау мақсатында Алматы әкімдігі осы жылы 40 мың баланы түрлі спорт секцияларында тегін жаттығумен қамтамасыз ету үшін 1,5 миллиард теңге бағыттады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир