«Алматы» хоккей клубы кәсіби лиганың плей-офф кезеңіне өтті

«Алматы» хоккей клубы PRO HOKEI LIGASY-дің екінші тұрақты чемпионатында плей-офф кезеңіне мерзімінен бұрын жолдама алды. Бұл туралы Алматы қаласы спорт басқармасының өкілдері айтты, деп хабарлайды Almaty.tv.

Тұрақты чемпионаттың екінші туры аясында алматылық ұжым «Ақтөбе» хоккей клубына қарсы өз алаңында екі ойын өткізді. 29 және 30 қаңтар күндері өткен матчтарда «Алматы» командасы 2:0 және 4:1 есептерімен басым түсті.

Аталған кездесулер сериясының қорытындысы бойынша команда турнирдің шешуші кезеңіне өтуге мүмкіндік алды. Чемпионаттың ширек финалдық ойындары 23 ақпанда басталса, плей-оффтың финалдық кезеңі 6 сәуірге белгіленген.

Оқи отырыңыз: Президент Елена Рыбакинаны Australian Open теннис турниріндегі жеңісімен құттықтады