Дастан Сәтпаев Лига чемпиондарының үздік жас шабуылшысы қатарына енді

«Қайрат» шабуылшысы Дастан Сәтпаев Лига чемпиондары тарихындағы ең жас гол соққан ойыншылардың үздік үштігіне кірді, деп хабарлайды Аlmaty.tv тілшісі Prosports.kz.-ке сілтеме жасап.

Жас футболшы жалпы кезеңнің бесінші турында «Копенгагенге» (2:3) қарсы ойында 17 жас 106 күнінде гол соғып, Еуропаның үздік жас таланттары қатарына қосылды. Бұл көрсеткіш бойынша ол тек «Барселона» түлегі Ансу Фати мен Ламин Ямалға ғана жол береді.

УЕФА жариялаған жаңартылған тізімде Сәтпаев үшінші орында тұр. Онымен бірге тізімде Фати, Ямаль және басқа да Еуропаның жарқырап келе жатқан жас жұлдыздары бар.

Оқи отырыңыз: Қазақстан құрамасы XXV жазғы Сурдлимпиадада 25 медаль ұтып алды