Елена Рыбакина әлемнің бірінші ракеткасымен кездесуге жолдама алды

2022 жылғы Уимблдон чемпионы, әлемнің 11-ракеткасы қазақстандық теннисші Елена Рыбакина Германияның Берлин қаласында өтіп жатқан WTA-500 санатындағы турнирдің ширек финалына шықты, деп хабарлайды Аlmaty.tv тілшісі Prosports.kz-ке сілтеме жасап.  

Екінші айналымда ол әлемдік рейтингте 74-орында тұрған чехиялық Катержина Синяковадан 6:4, 7:6 (7:5) есебімен басым түсті.

Ойын 1 сағат 44 минутқа созылды.

Берлиндегі жарыстың жартылай финалына шығу үшін Рыбакина әлемнің бірінші ракеткасы, беларусьтік Арина Соболенкомен кездеседі.

Оқи отырыңыз: Грек-рим күресінен Қазақстан құрамасы Азия чемпионатын үш алтынмен бастады