Елена Рыбакина Вашингтон турнирінің жартылай финалына жолдама алды

Қазақстанның бірінші, әлемнің 12-ракеткасы Елена Рыбакина Вашингтон (АҚШ) WTA 500 турнирінің жартылай финалына шықты, деп хабарлайды Аlmaty.tv.

Қазақстанның теннис федерациясы баспасөз қызметінің хабарлауынша, жарыстың 3-ракеткасы болып тіркелген қазақстандық теннисші ширек финалда әлемдік рейтингіде 24-орында тұрған Польша өкілі Магдалена Френхпен ойнады.

"Осыған дейін қарсыластар екі мәрте кездесіп, онда Рыбакина ұтқан еді. Бұл жолы Елена 6:3, 6:3 есебімен басым түсті", - делінген хабарламада.

Елена Рыбакина финалға өту үшін әлемнің 36-ракеткасы, 22 жастағы канадалық Лейла Фернандеспен кездеседі.

Оқи отырыңыз: Ізденістен қорықпаңыз: 26 шілдеге арналған жұлдыз жорамал