Әйелдер күресінен әлем чемпионаты: спортшыларымыз жартылай финалға шыға алмады

Тиранда (Албания) күрес түрлері бойынша әлем чемпионатында әйелдер арасында сайыстар басталды, деп хабарлайды Аlmaty.tv Ұлттық олимпиадалық комитетіне сілтеме жасап.

23 қазанда қазақстандық спортшылар бес салмақ категориясында кілемге шықты. Алайда олардың ешқайсы жартылай финалға шыға алмады. 

50 келіге дейінгі салмақтағы Лаура Ғаниқызы 1/8 финалы кезінде түркиялық Зехра Демирханды 6:4 есебімен жеңген болатын. Алайда жартылай финалға жолдама үшін күресте америкалық Сэйдж Мортимерден жеңілді - 4:14.

55 келіге дейінгі салмақта Айнұр Әшімова Отгонтуе Баянмунхтен 2:8 есебімен жеңілді. 

Алғашқы жекпе-жек Гүлдана Бекеш (59 келіге дейінгі салмақта) үшін де сәтсіз болды. Ол жапониялық қарсыласы Химека Токухарадан жеңілді - 7:1.

Бейбіт Сейдуали (68 келіге дейінгі салмақта) америкалық Бруклин Хэйске есе жіберді - 6:4.

Алғашқы сайыста Алина Ертөстік те (76 келіге дейінгі салмақта) жеңіліс тапты. Оның қарсыласы Елена Макойед (АҚШ) 0:11 есебімен жеңіске жетті. 

Осылайша, спортшыларымыз енді жартылай финалдар нәтижесін күтеді. Егер қазақстандық спортшылардың қарсыластары финалға шықса, онда жұбаныш айналымы арқылы «қолаға» таласа алады.

Оқи отырыңыз: Күрестен әлем чемпионаты: қазақстандық балуандар жаппай жеңілді