Қазақстандық гимнаст әлем кубогы кезеңінде алтын медаль жеңіп алды

Спорттық гимнастикадан Қазақстан құрамасының спортшысы Милад Карими Германияның Котбус қаласында өтіп жатқан Әлем кубогы кезеңінде алтын медаль жеңіп алды, деп хабарлайды Аlmaty.tv тілшісі Оlympic.kz-ке сілтеме жасап. 

Қазақстандық спортшы еркін жаттығуда үздік атанды. Финалда Карими 14,133 ұпай жинап, жалпы есепте бірінші орынға ие болды.

Екінші орын жапондық Кацуки Минамиге бұйырды – 13,666 ұпай.

Ал үздік үштікті 13,533 ұпаймен италиялық Никколо Вануччи түйіндеді.

Оқи отырыңыз: Қазақстан құрамасы тректегі велоспорттан Азия чемпионатында қола жүлде алды