Қазақстандық үш теннисші Australian Open 2025 турниріне қатысады

25.12.2024 20:17

Турнир 6-26 қаңтар аралығында Мельбурнде өтеді

mice.net.au

Australian Open-2025 чемпионатының ерлер арасындағы жұптық жарыстарының негізгі тізімі белгілі болды, деп хабарлайды Almaty.tv тілшісі Оlympic.kz-ке сілтеме жасап.

Қазақстанның атынан үш теннисшісі жарысқа барады: Александр Бублик, Александр Шевченко және Александр Недовесов.

"Сайыста қазақстандық жұп Александр Бублик пен Александр Шевченко өнер көрсетеді. Ал Александр Недовесов голландиялық Робин Хаасемен бірге ойнайды. Хаасе 2013 жылғы Australian Open турнирінің финалисі болған", - делінген хабарламада.

Қазіргі чемпиондар Рохан Бопанна (Индия) мен Мэттью Эбден (Австралия) биыл титулын жұптасып қорғаудан бас тартты. Бопанна Николас Баррьентоспен, ал Эбден бельгиялық Йоран Флигенмен бірге ойнайды.

Айта кетейік, турнир 6-26 қаңтар аралығында Мельбурнде өтеді.

Оқи отырыңыз: Алматыда бұқаралық спортты дамыту мақсатында қандай іс-шаралар өтті

Теги: теннис Қазақстан қазақстандық спортшылар турнир
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Алматыда 85 қазандық қайта жөнделді