Мәнерлеп сырғанаушы Софья Самоделкина халықаралық турнирде жүлдегер атанды

Мәнерлеп сырғанаушы Софья Самоделкина Хорватиядағы турнирде үшінші орын алды, деп хабарлайды Аlmaty.tv тілшісі Оlympic.kz-ке сілтеме жасап.

Қазақстандық мәнерлеп сырғанаушы Софья Самоделкина Загребте (Хорватия) өткен халықаралық турнирде қола медаль жеңіп алды.

Қысқа бағдарламадан кейін отандасымыз жетінші орында тұрған еді. Алайда еркін бағдарламада бірнеше сатыға жоғары көтерілді.

«Самоделкина жалпы есепте 182,63 ұпай жинап, жарысты үшінші орынмен аяқтады», - делінген хабарламада.

Америкалық Брэдди Тэннел (194,97) жеңіс тойын тойлады. Ал Финляндия спортшысы Лида Кархунен (187,05) екінші орынға ие болды.

Оқи отырыңыз: Бүгін еліміздің кей өңірінде қар жауып, көктайғақ болуы мүмкін