Михаил Шайдоров Гран-при финалында алтыншы орын алды

instagram.com/mikhail_shaidorov

Қазақстандық спортшы еркін бағдарламада 170,89 ұпай жинады

Нагояда (Япония) мәнерлеп сырғанаудан ерлер арасындағы Гран-при финалының жеңімпазы анықталды, деп хабарлайды Аlmaty.tv тілшісі Оlympic.kz-ке сілтеме жасап.

ҰОК таратқан мәліметке сәйкес, аталмыш додада АҚШ спортшысы Илья Малинин топ жарды. Ол еркін бағдарламада бірден жеті төрттік секіруді орындап, жалпы есепте 332,29 ұпай жинады.

Екінші орынға жапониялық Юма Кагияма (302,41) ие болды. Үздік үштікті тағы бір Жапония спортшысы Шун Сато (292,08) түйіндеді.

Қазақстандық Михаил Шайдоров еркін бағдарламада 170,89 ұпай жинады. Жалпы есепте 242,19 ұпай еншілеп, жарысты алтыншы орынмен аяқтады.

Оқи отырыңыз: Мәнерлеп сырғанаушы Софья Самоделкина халықаралық турнирде жүлдегер атанды