Санжар Әділов Азиадада аралас жекпе-жектен қола алды

www.instagram.com/sanzhar_adilov57/

Бұл жүлденің тарихи маңызы ерекше

Қазақстандық спортшы Санжар Әділов Аичи–Нагояда өтіп жатқан Азиада-2026 ойындарында ММА-дан қола жүлде иеленді. Ол 65 келіге дейінгі салмақта ММА-дың дәстүрлі стилі бойынша өнер көрсетіп, жүлдегер атанды. Бұл туралы Туризм және спорт министрлігі мәлім етті, деп хабарлайды Almaty.tv.

Министрліктің хабарлауынша, бұл жүлденің тарихи маңызы ерекше. Өйткені аралас жекпе-жек Азия ойындарының бағдарламасына алғаш рет енгізілді. Осылайша Санжар Әділов Қазақстан құрамасының осы спорт түрінен Азия ойындарында медаль жеңіп алған алғашқы спортшыларының бірі атанды.

XX жазғы Азия ойындары 19 қыркүйек пен 4 қазан аралығында Айти–Нагояда өтіп жатыр.