Шөмішбай Сариев атындағы бильярдтан республикалық турнир өтті

Алматыда ақын Шөмішбай Сариев атындағы бильярдтан республикалық турнир өтті, деп хабарлайды Almaty.tv.

Айтулы іс-шараны Ғабит Мүсірепов атындағы қор ұйымдастырған. Додаға қатысушыларының айтуынша, бұл спорт түрі аяулы ақынның хоббиі болған. Әдебиет майталмандары атындағы жарыстарда Шөмішбай Сариев алдыңғы орындарды иеленіп жүрген.

Айта кетейік, бұл жолғы дода Тәуелсіздік күніне арналған.

"Достары, өнер адамдары келіп, ағаңа арналған алғашқы бильярд турниріне қатысып жатқанына ризамын. Алматының айналасы емес, Атыраудан, Астанадан, туған жері Қызылордадан да келіп жатыр", – деді Ш. Сариевтің жары Жұмагүл Сариева.

"Қазақ руханиятында Шөмішбай ағамыздың орны бөлек. 500-ден астам әнге мәтін жазған. "Қазақ" радиосында, телеарналарда Шөмішбай ағамыздың әндері айтылып жатады", – деді "Қазақ әдебиеті" газетінің бас редакторы Бауыржан Жақып.

Оқи отырыңыз: Азия ойындары: Қытайдың Харбин қаласындағы додаға 139 спортшы қатысады