Ұлттар кубогы: Қазақстан волейболшылары жартылай финалға бірінші орынмен шықты

12.06.2026 17:57

Ұлттық құрама енді А тобында екінші орын алған командамен кездеседі

t.me/olympickz

Филиппиннің Кандон қаласында өтіп жатқан AVC Ұлттар кубогында Қазақстан әйелдер құрамасы жартылай финалға жолдама алды, деп хабарлайды Аlmaty.tv.

Ұлттық олимпиада комитетінің хабарлауынша, топтық кезеңдегі соңғы матчта қазақстандық волейболшылар Вьетнам құрамасын 3:2 есебімен жеңді.

Осылайша, Қазақстан В тобындағы барлық кездесуде жеңіске жетіп, турнирдің жартылай финалына бірінші орынмен шықты.

Жартылай финалда ұлттық құрама А тобында екінші орын алған командамен кездеседі.

Теги: Қазақстан волейбол