Универсиада-2025: Қазақстан құрамасы дзюдодан екі медаль жеңіп алды

Германияда өтіп жатқан 2025 жылғы Универсиадада Қазақстан құрамасы дзюдодан екі медаль жеңіп алды, деп хабарлайды Almaty.tv.

Дзюдо сайыстарының алғашқы күнінде финалдық кезеңге екі қазақстандық спортшы жолдама алып, нәтижесінде үшінші орыннан көрінді.

60 келіге дейінгі салмақ дәрежесінде Аман Бақытжан қола медаль үшін өткен белдесуде грузиялық Лука Модебадзені жеңіп шықты.

Ал 66 келіге дейінгі салмақта Нұрқанат Серікбаев украиналық Микита Холобородькодан басым түсіп, үшінші орынға ие болды.

Оқи отырыңыз: Универсиадада дзюдошысы Нұрқанат Серікбаев жартылай финалға жолдама алды