Мәнерлеп сырғанау: Михаил Шайдоров Денис Тен мемориалында «алтын» алды

Мәнерлеп сырғанаудан Қазақстан ерлер құрамасының көшбасшысы Михаил Шайдоров Астанада өткен Денис Тен мемориалының жеңімпазы атанды, деп хабарлайды Аlmaty.tv Ұлттық олимпиада комитетінің баспасөз қызметіне сілтеме жасап.

«Спортшы тұғырдың ең жоғарғы сатысына көтеріліп қана қоймай, қысқа бағдарламада жеке рекорд орната алды. Қазір ол 95,50 ұпайға тең», - делінген хабарламада.

Еркін бағдарламаны орындағаны үшін Шайдоров төрешілерден 166,83 ұпай алды. Барлығы 262,33 ұпай жинады.

Екінші орын әзербайжандық Владимир Литвинцевке бұйырды – 246,00. Ника Эгадзе (Грузия) қола жүлдені жеңіп алды – 242,43.

Оқи отырыңыз: Қазақстандық спортшы Сеулде өтіп жатқан Әлем кубогінде күміс медаль алды