Жәнібек Әлімханұлы әлемнің үздік боксшыларының тізіміне енді

Boxingscene.com порталының мәліметінше, танымал спорт шолушысы Стивен Эдвардс салмақ дәрежесіне қарамастан (P4P) әлемнің үздік боксшыларының жаңа рейтингін жариялады, деп хабарлайды Аlmaty.tv тілшісі 1bol.kz-ке сілтеме жасап.

«Тізімге қазақстандық боксшы, WBO және IBF нұсқалары бойынша әлем чемпионы Жәнібек Әлімханұлы (17-0, 12 KO) да енді. Ол 20-орыннан көрінді», - делінген хабарламада.

Эдвардс P4P тізімінің көшін америкалық Теренс Кроуфорд (41-0, 31 KO) бастап тұрғанын атап өтті.

Үздік бестікке сонымен қатар украиналық Александр Усик (23-0, 14 KO), жапониялық Наоя Иноуэ (29-0, 26 KO), ресейлік Дмитрий Бивол (24-1, 12 KO) және Артур Бетербиев (21-1, 20 KO) енген.

Ал әлемдік бокстың бет-бейнесіне айналған мексикалық Сауль "Канело" Альварес (62-2-2, 39 KO) рейтингте 8-орынға тұрақтаған.

Оқи отырыңыз: Әлем чемпионы атанған боксшы қыздарға қанша доллар сыйақы берілді