Жүзуден әлем кубогындағы қазақстандықтардың нәтижесі қандай

Астанада өтіп жатқан жүзуден әлем кубогының кезеңі аясында екінші жарыс күнінің финалдық сайыстары аяқталды, деп хабарлайды Almaty.tv.

Ұлттық олимпиада комитетінен хабарлағандай, 50 метрге еркін стильде жүзуден Глеб Коваленя 21,22 секунд уақыт нәтижесін тіркеп, бесінші орын алды. Осылайша ол таңертеңгі сессияда жасаған рекордын (21,31) жаңартты.

Әділбек Мусин 100 метрді баттерфляй әдісімен 51,32 секундта жүзіп өтіп, жетінші орынға ие болды. Дәл осы жарыста Максим Сказобцов 51,57 секунд нәтижесімен тоғызыншы сатыға жайғасты.

200 метрге брасс әдісімен жүзуде Айбат Мырзамұратов 2:07,34 уақыт нәтижесімен сегізінші орын алды. 100 метрге кешенді жүзуде Егор Попов 54,68 уақыт көрсеткішін тіркеп, тоғызыншы орыннан көрінді.

Ал әйелдер арасында Софья Сподаренко 100 метрді баттерфляй әдісімен 59,66 секундта жүзіп өтіп, оныншы орынға табан тіреді. 

Оқи отырыңыз: Бала саны бірдей отбасылардың мемлекеттік көмекке мұқтаждығы неге әртүрлі болады