Меншікті өндіріс
Біз әлеуметтік желілердеміз
Алматы - біздің ортақ үйіміз: мектеп түлектері ағаш отырғызды
Алатау ауданындағы № 181 мектеп ауласында жасыл желек көбейді
«Алматы - біздің ортақ үйіміз» тазалық науқанын мектеп оқушылары да белсенді қолдап жатыр, деп хабарлайды Almaty.tv.
Алатау ауданындағы №181 мектептің түлектері мен ұстаздары айналаға көшет егіп, жасыл желекті көбейтті.
– «Алматы – біздің ортақ үйіміз» акциясы барысында Ақкент ықшамауданында №181 мектептің 2024 жылғы түлектері көгалдандыру мақсатында ағаш отырғыздық. Жыл сайын мектепке келгенде бір бөлшегімізді осы жерден көру мақсат болды, – деді №181 жалпы білім беретін мектептің түлегі Нұрай Барахан.
– «Алматы – біздің ортақ үйіміз» акциясы аясында мектеп бітіруші 139 түлек ағаш отырғызды. Қаламыздың көркеюіне, өсуіне мектеп бітіруші түлектердің қосқан үлесі деп ойлаймын. Қаланы таза ұстау, қаланы сақтау – әрбір тұрғынның міндеті, – деді №181 жалпы білім беретін мектептің директоры Жеңісгүл Сатаева.
Оқи отырыңыз: Алматыда жаңа демалыс аймағы пайда болады