Меншікті өндіріс
Біз әлеуметтік желілердеміз
Red Wings әуе компаниясы Қазақстанда екі жаңа рейсті іске қосады
Ресейлік Red Wings әуе компаниясы Қазақстан мен Ресей арасында екі жаңа тұрақты жолаушылар рейсін іске қосады, деп хабарлайды Almaty.tv тілшісі sputnik.kz сайтына сілтеме жасап.
Осылайша, осы жылдың 17 шілдесінен бастап әуе компаниясы Алматы – Челябі бағыты бойынша аптасына 1 рейс жиілігімен жексенбі күндері, сондай-ақ 22 шілдеден бастап Ақтөбе – Жуковский (Мәскеу облысы) бағыты бойынша жұма және жексенбі күндері аптасына 2 рейс жиілігімен тұрақты жолаушылар рейсін ашуды жоспарлап отыр. Рейстер SU-95 сынды ұшақтармен орындалады.
Қазақстан мен Ресей арасында жаңа әуе рейстерінің ашылуы екі ел арасындағы сауда-экономикалық, инвестициялық, туристік және мәдени ынтымақтастықты одан әрі дамытуға ықпал етеді, деп хабарлады Қазақстанның азаматтық авиация комитеті.
Билетті әуе компаниясының ресми сайтынан сатып алуға болады.