Алматылық полицейлер жүргізушілерге үндеу жасады

Ауа райының нашарлауына байланысты Алматының тәртіп сақшылары жол қозғалысына қатысушыларды қауіпсіздік шарасын күшейтуге шақырады, деп хабарлайды Almaty.tv тілшісі Алматы қалалық Полиция департаменті баспасөз қызметіне сілтеме жасап.

«Оларды жол қозғалысы ережелерін мүлтіксіз сақтауға, көлік жүргізу мәдениетін және мұқияттылықты арттыруға шақырамыз. Бұл үндеу қазір өте өзекті және қала жолдарында қайғылы оқиғаны болдырмауға септігін тигізеді», - деді Алматы қалалық ПД жергілікті полиция қызметі басқармасының бастығы, полиция полковнигі Ержан Ұзабаев.

Алматы ПД ЖПҚБ кезекші бөлімінің мәліметінше, өткен тәулікте қалада 158 ЖКО тіркелді, оның 25-і - жарақат алғандармен. Қайтыс болғандар жоқ.