Елордадан Алматыға бір реттік қосымша пойыздар қатынайды

15.07.2019 15:44

Алматыға жеткеннен кейін бұл жаңа вагондар тұрақты түрде «Алматы – Маңғыстау» бағыты бойынша қатынамақ

иллюстративное фото

Елордадан Алматыға бір реттік қосымша пойыздар қатынайды, деп хабарлайды «Жолаушылар тасымалы» АҚ баспасөз қызметі.

«2019 жылдың 19 және 20 шілде күндері № 202/201 «Нұр-Сұлтан Нұрлы Жол – Алматы-2» бағыты бойынша екі жолаушылар пойызы сапарға шығады. Жөнелту уақыты – 17 сағат 16 минутта. Екі пойыз жаңа 25 плацкарт вагондарынан құралған. Вагондар заман талабына сай кондиционер, су сүзгіш, өртке қарсы жүйе, биотуалет қондырғыларымен жабдықталған. Әр вагонда 54 орын бар», - делінген компания хабарламасында.

Айта кетсек, Алматыға жеткеннен кейін бұл жаңа вагондар тұрақты түрде «Алматы – Маңғыстау» бағыты бойынша қатынамақ.

Теги: пойыз поезда вагон
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Жамбыл облысында полиция көлігі аударылып, 3 адам қаза тапты