|
03.07.2019 | 11:28
2892

Арыс арқылы жүретін жолаушылар пойыздарының жүру кестесі қалпына келтірілді

Билет кассаларына жүгінген жолаушыларға 50 млн. теңгенің құраған билет құны қайтарылды

 Арыс арқылы жүретін жолаушылар пойыздарының жүру кестесі қалпына келтірілді Zakon.kz

 Арыс арқылы жүретін жолаушылар пойыздарының жүру кестесі қалпына келтірілді, деп хабарлайды Аlmaty.tv тілшісі «Жолаушылар тасымалы»  АҚ баспасөз орталығының баспасөз қызметіне сілтеме жасап.

«Жолаушылар тасымалы» АҚ Арыс оқиғасына байланысты жолда қалған жолаушыларды жақын маңда орналасқан стансалар мен қалаларға  тасымалдауға қол ұшын созған Түркістан, Жамбыл, Қызылорда облыстары және Шымкент пен Алматы қалаларының әкімшіліктеріне, ҚР ІІМ Төтенше жағдайлар комитетіне және де еріктілер мен меценаттарға өз алғысын білдіреді», – делінген хабарламада.

Төтенше жағдай кезінде 24-27 маусым аралығында Тараз, Шымкент және Түркістан қалаларына пойыз және автокөлік арқылы 15 мыңнан астам жолаушы тасымалданды. Жолдан бөгелген пойыздарда қалған жолаушыларға тегін ауыз су мен тамақ берілді.

Осы аралықта билет кассаларына жүгінген жолаушыларға 50 млн. теңгенің билет құны қайтарылды. Сондай-ақ компания Арыс қаласынан Нұр-Сұлтан қаласына дейін 200 баланы жеткізуге ат салысты.

Қазіргі таңда Арыс арқылы жол жүру толықтай қалпына келтірілді.  

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир