Ақтөбеге ұшып шыққан ұшақ Алматы әуежайына қайта оралды

Алматыдан Ақтөбеге шыққан Air Astana ұшағы әуежайға оралуға мәжбүр болды, деп хабарлайды Almaty.tv тілшісі.

«Алматы – Ақтөбе» КС 863 рейсін орындаған борт бүгін сағат 05:30-да Алматыдан ұшып шықты. Техникалық себептерге және бара жатқан әуежайда техникалық қызметтің көрсетілмейтіндігіне байланысты командир кері оралу туралы шешім шығарды», – деп хабарлайды Air Astana.

Аталмыш әуе компаниясының баспасөз қызметінің мәліметінше, ұшақ қалыпты жағдайда қонды. Ақтөбеге ұшу 15.40-қа ауыстырылды. Жолаушыларға тамақ пен сусын берілді.