Алматы облысында республикалық маңызы бар автожол жабылады, деп хабарлайды Almaty.tv тілшісі өңірлік ТЖД баспасөз қызметіне сілтеме жасап.
«Нұртас» ЖШС хабарлауы бойынша республикалық маңызы бар «Сарыөзек-Көктал» автожолында 45-68 шақырым учаскесінде реконстукциялық жұмыстардың жүргізілуіне байланысты 2022 жылғы 8 сәуір күні сағат 9:00-ден бастап 9 сәуір аралығында бұрғылау-жару жұмыстары жүргізілетін болады. Осыған байланысты автокөлік жолының осы учаскесі автокөліктің барлық түрлері үшін жабық болады» - делінген хабарламада.
Алматы облысының ТЖ департаменті азаматтардан осы бағытта жол жүруден бас тартуды және өз бағытын алдын ала түзетуді, сондай-ақ 112 қызметі беретін СМС хабарламаларды назардан тыс қалдырмауды сұрайды.
