30 тамызда Қазақстанда "Жол жүрісі туралы" заңдағы электр самокат міну ережелерін қарастыратын түзетулер күшіне енді, деп хабарлайды Almaty.tv тілшісі Zakon.kz-ке сілтеме жасап.
Қабылданған жаңа заңға сәйкес, электрлі самокат веложолда, веложолақтарда, 25 км/сағат жылдамдықпен жүріс бөлігінің оң жақ шетінде, оның ішінде маршруттық көліктерге арналған жолақ бойымен бір қатарда қозғала алады. Ал тротуар мен жол жиегінде, жаяу жүргіншілер жолында 6 км/сағаттан аспайтын жылдамдықпен жүруі керек.
Сонымен қатар электрлі самокатпен көлікке арналған жолмен жүруге тек 18 жастан бастап рұқсат етіледі және жүргізуші куәлігінің кез келген санаты болуы керек.
Мопед, электрлі самокат және велосипед жүргізушілері жолда жүргенде ғана бекітілген шлемді киюі керек.
Кикшеринг компаниялары жаяу жүргіншілер мен саябақтардың белгілі бір жерінде электрлі самокат жылдамдығын шектейтін болады. Орнатылған GPS-сенсордың арқасында мұндай аймақтарға кіру кезінде жылдамдықты шектеу автоматты түрде қосылады.
Өтірікке құрылған ғұмыр | Өмір иірімі
Самокат айдайтындарға салынатын айыппұлдар
Қазір оларды жолаушылар мен жүктерді тасымалдау (ӘҚБтК-нің 593-бабы, 5 АЕК көлемінде айыппұл салу), сондай-ақ жол жүрісіне қатысушыларға қойылатын өзге де талаптарды бұзғаны үшін (ӘҚБтК-нің 620-бабы, ескерту немесе 3 АЕК көлемінде айыппұл салу) жауапкершілікке тартуға болады.
Енді ережелерде "электрлі көліктер" және "шағын электр көлік" терминдерін нақты белгіленеді.
Мопед, электр cамокат және велосипед жүргізушілеріне:
кем дегенде бір қолыңызбен рөлді ұстамай жүргізуге;
жолаушыларды тасымалдауға арналған арнайы құрылғылары бар велосипедтер және мопедтер болмаса, жолаушыларды тасымалдауға;
жүктерді тасымалдауға арналған арнайы құрылғылары бар велосипедтермен және мопедтермен болмаса жүкті, сондай-ақ ұзындығы немесе ені бойынша габариттерден 50 сантиметрден асатын жүкті немесе басқаруға кедергі келтіретін жүкті тасымалдауға тыйым салынады;
велосипедті немесе электр самокатты айдаған кезде сіз жүрген жерде велосипед жолы бар жермен жүру керек.
