Алматы метросы «Барлық» базарына дейін ұзартылады

Алматы мәслихаты «Қалқаман» метро бекетін «Барлық» базарына дейін ұзарту жобасын мақұлдады, деп хабарлайды Almaty.tv.

Кезекті сессия барысында жергілікті депутаттар қаланың көлік инфрақұрылымын дамыту жоспарын қабылдады. Жоспар бойынша метроның үшінші кезеңіндегі 5 жарым шақырымнан асатын бірінші тораптың құрылысы аяқталады. Сондай-ақ Саин мен Мөңке би көшелерінің қиылысындағы жолайрықты салып бітіру көзделген. Бұдан бөлек алдағы уақытта қаланың 8 шағын ауданында жалпы ұзындығы 140 шақырым жол жөнделмек.