Яндекс.Такси Бәсекелестікті қорғау және дамыту агенттігін сотқа берді

Яндекс.Такси Бәсекелестікті қорғау және дамыту агенттігін сотқа берді, деп хабарлайды Almaty.tv.

Қазақстанда жолаушы тасымалы саласында аса танымал компания агенттіктің тергеу жүргізу жөніндегі әрекеті мен бұйрығына қарсылық білдіру үшін сотқа шағымданыпты. Нәтижесінде сот 2022 жылға тауар нарығындағы бәсекелестіктің жай-күйіне талдау жасалмағанын ескеріп, 2022 жылғы тексерілетін кезең бөлігінде дауланған бұйрықты заңсыз деп танып, әкімшілік талапты ішінара қанағаттандырды. Алайда соттың шешімі заңды күшіне енген жоқ. 

Айта кетейін, биыл 20 қыркүйек күні Бәсекелестікті қорғау және дамыту агенттігінің Алматы қаласы бойынша департаменті Яндекс.Такси көлік компаниясын тексеріп жатқанын хабарлаған болатын.