Меншікті өндіріс
Біз әлеуметтік желілердеміз
Алматыда жүргізушісі тұрақ ақысын төлемеу үшін жалған тіркеу нөмірімен жүрген
16.11.2021 20:34
Оның көлігі мамандандырылған айыппұл тұрағына қойылды
Polisia.kz
Алматыда жол талғамайтын көлік жүргізушісі тұрақ ақысын төлемеу үшін жалған мемлекеттік тіркеу нөмірімен жүр, деп хабарлайды Almaty.tv тілшісі Polisia.kz-ке сілтеме жасап.
Патрульдік полицейлер Mitsubishi көлігін Абылай хан мен Қазыбек би көшелерінің қиылысынан анықтады. Көлікке орнатылған түрлі мемлекеттік тіркеу нөмірлік белгілері тәртіп сақшыларының назарын аударды. Оның иесі анықталды. Ер адам өзін қорғап алу мақсатында тұрақ ақысын төлемеу үшін жалған нөмір орнатқанын айтты. Бұл әрекет заңнамаға қайшы келеді және әкімшілік жауапкершілікке әкеп соғады. Құқық бұзушыға айыппұл салынды. Оның көлігі мамандандырылған айыппұл тұрағына қойылды.