Алматыда Құлжа - Бұқтырма көшесіндегі жолайрық ашылды

Алматыда Бұқтырма көшесі мен Құлжа тас жолы қиылысындағы жолайрығы бойында 4 жолақты қозғалысы бар Бұқтырма көшесінің тоннельдік бөлігі ашылды. Бұл туралы нысанның басқарушы директоры және «Bazis Construction» ЖШС мердігер компаниясының өкілі Фариз Тутадзе мәлімдеді, деп хабарлайды Аlmaty.tv.

Жоба Алматы әкімдігінің тапсырысы бойынша іске асырылды, бұл Бұқтырма көшесі бойымен автокөліктің өткізу қабілетін 15% - ға, Құлжа трактісі бойынша 20% - ға арттыруға мүмкіндік береді. Бұқтырма көшесі учаскесінің жалпы құрылыс ұзындығы 830 м, оның ішінде тоннель бөлігінің ұзындығы-149 м.

 - Қарбалас күндері құрылысқа 200-ден астам адам және түрлі типтегі 50-ден астам техника жұмылдырылды, олар: асфальт төсеушілер, тракторлар, экскаваторлар. Мұның бәрі біздің қалалықтарға ыңғайлы болу үшін жасалады. Қазан айының соңына дейін велосипед жолдары бар жаяу жүргіншілер аймақтары абаттандырылады. Сондай-ақ 360 мың шаршы метрден астам аумақты көгалдандыру және түрлі тұқымды 750 ағаш отырғызу жоспарланған, - деп толықтырды Фариз Тутадзе.

Көлік торабының құрылысы магистралдың жүктемесін азайту және функционалдығын қамтамасыз ету қажеттілігіне байланысты болды: айналма Бұқтырма көшесі мен Құлжа тас жолының қиылысындағы автокөліктер  ағынының артуына төтеп бере алмады. Жоба аясында негізгі учаскеде үш деңгейлі жолайрығы пайда болды, оның ішінде тірек қабырғалары бар тоннельдер мен эстакадалар, айналмалы қозғалыстың нөлдік деңгейдегі жолдары және барлық бағыттардағы оң жақ өткелдер бар.

Оқи отырыңыз: Жол қауіпсіздігі: жолайрыққа қойылған белгілерге тексеру жүргізілді