Алматыда жаңа автобус маршруты іске қосылады

Алматыда жаңа автобус маршруты іске қосылады, деп хабарлайды Almaty.tv тілшісі Алматы қалалық мобилділік басқармасына сілтеме жасап.

Қала маңындағы тұрғындардың өтініші бойынша 10 ақпаннан бастап жаңа №230 маршрут іске қосылады.

Ақсай-1 шағынауданы аялдамасынан шығып, Төле би көшесі – Момышұлы көшесі – Райымбек даңғылы – Шымкент/Алматы тасжолы – Абылай хан даңғылы – Қаскелең қаласына дейін барып, әрі қарай айналма жолдан бұрылып, кері бағытта жүреді.

Желіде 10 автобус 13 минуттық жиілікпен қызмет көрсетеді.