Алматыда Әуезов көшесі Райымбек батыр даңғылына дейін ұзартылады

Алматыда Әуезов көшесі Райымбек батыр даңғылына дейін ұзартылады, деп хабарлайды Almaty.tv.

28 мамыр ұзындығы 0,8 шақырымды құрайтын Әуезов көшесі бойымен Гоголь көшесінен Райымбек батыр даңғылына дейін бөлікте төртжолақты жаңа жол ашылады. Көшенің ұзаруы қозғалыс жүктемесін азайтып, жолаушылар ағымын көбейтуге мүмкіндік береді.

Ұзарту кезінде магистралды жылу жүйесі желісін қайта орналастыру, өтпелі және бағаналы бағдаршамдармен бірге төрт темір жол өткелін қайта жасалды, арық жүйесін жаңарту мен көршілес аумақты абаттандыру жұмыстары жүргізілді. Жұмыстар маусым айының аяғына дейін толық аяқталады деп жоспарлануда.

Бұған дейін Әуезов көшесі солтүстік бағытта Гоголь көшесімен тұйықталатын. Ал бұл ауданда солтүстік-оңтүстік бағыты бойынша көше-жол желісі жетіспейтіндігі байқалған еді.