30 желтоқсаннан бастап Алматыда жаңа маршрут ашылады

30 желтоқсаннан бастап  №55 жаңа маршрут ашылатын болады, деп хабарлайды Almaty.tv тілшісі.  

«Жаңа маршрут Абай даңғылы бойымен Өтеген батыр көшесінен Алатау даңғылына дейін жүреді, содан кейін төмен қарай Ташкент трактіне дейін барып, онда оңға бұрылады. «Молл Апорт» СОО аялдамасынан кейін кері бағытта Ташкент тракт бойынша бұрылады және одан әрі жүретін болады. Бұдан әрі «Алтын орда базары» аялдамасынан қайта бұрылып, Барлық базарына кіреді, одан әрі Алатау даңғылына бұрылып,  жоғарыда көрсетілген сызбаға сәйкес кері бағытта жүреді», - делінген баспасөз хабарламада. 

Бастапқыда маршрутта 7 автобус қызмет көрсетеді, кейіннен жолаушылар ағымына қарай бірлік саны арттылатын болады.