|
22.01.2019 | 12:36
14441

Іле Алатауы паркіне кіру құны екі есеге арзандады

Іле Алатауы паркіне кіру құны екі есеге арзандады

Алматы қалалық мамандандырылған табиғат қорғау прокуратурасы Іле Алатауы ұлттық паркі  жұмысының заңдылығын тексерді, деп хабарлайды Алматы қалалық прокуратурасының баспасөз қызметі.

Тексеру барысында ұлттық парк аумағында жүріп-тұру құны негізсіз қымбаттағаны анықталды.

Атап айтқанда, Салық кодексінде экологиялық посттарда өту құны 0,1 АЕК - 252 теңге деп белгіленген. Ал Ұлттық парк басшылығы 2018 жылдың 1 маусымында туристік маршруттарды, соқпақтарды, қарау алаңдарын пайдаланғандарға қосымша 200 теңгеден тариф белгілеу туралы бұйрық шығарған.

Бірақ бұл тариф бойынша бірқатар шектеу бар. Мәселен бұл тариф маусым-қазан айлары аралығында ғана алынады. Әрі келушілердің көпшілігі туристік маршрутқа шықпай, тек қана дәмхана мен демалыс орындарына ғана барған. Алайда Ұлттық парк басшылығы бұл тарифті келушілерден жыл бойы үздіксіз алып отырған.

Сонымен қатар, арнайы прокуратура парк басшылығы тарапынан келушілерге туристік маршрутқа шығу үшін арнайы жағдай жасалмағанын айтты. Осыған байланысты мамандандырылған табиғат қорғау прокурорының талабымен Ұлттық парктің бұйрығы күшін жойды. Енді Іле Алатауы паркіне демалуға келгендер 452 теңге емес, 252 теңге ғана төлейтін болды. Ал парк әкімшілігіне сараланған тариф енгізуді қолға алу ұсынылды.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир