|
24.11.2023 | 16:30
2287

Алматыға келетін шетелдік туристер саны артты

Үрімшіде «Туризм жылы 2023» форумы басталды

Алматыға келетін шетелдік туристер саны артты Сурет: Алматы әкімдігінің баспасөз қызметі

23 қарашада Үрімші қаласында Шанхай Ынтымақтастық Ұйымының «Туризм жылы 2023» форумы басталды, оған қазақстандық делегация қатысты, деп хабарлайды Аlmaty.tv.  

ШЫҰ мүше мемлекеттер басшылары Кеңесінің 2023 жылғы 4 шілдедегі отырысында 2023-2024 жылдарға арналған төрағалық 2023 жылғы 5 шілде – 2024 жылғы маусымға дейін Қазақстанға Үндістаннан өтті. 

Алматы қаласына мәдени және туристік астана мәртебесі берілді. Өз сөзінде Алматы қаласы әкімінің орынбасары Әлішер Әбдіқадыров атап өткендей, Алматы - еліміздің қаржы, мәдени және туристік орталығы деп танылған Қазақстанның ең ірі мегаполисі. Алматының үлесіне ел ЖІӨ  5/1 бөлігі және Қазақстан Республикасы бюджетінің барлық кірістерінің 4/1 бөлігінен астамы тиесілі. Қала өзінің бай тарихи мұрасына, көп мәдениеттілігіне және тау кластеріне 20 минуттық қолжетімділікте бірегей табиғи орналасуына байланысты туристік саланы, атап айтқанда тау, іскерлік, мәдени және спорттық туризмді дамыту үшін үлкен әлеуетке ие. 

Бүгінгі таңда Алматыда әлемнің 77 елімен 45 тікелей әуе қатынасы және визасыз режимі бар.

 - Қазіргі уақытта Алматыда туризм саласы пандемияға дейінгі деңгейге жетті. 2023 жылдың 1 жартыжылдығының қорытындысы бойынша қалаға 261,6 мың шетелдік турист келді, бұл 2018 жылдың сәйкес кезеңінен 62,8% артық. Ағымдағы жылы келген туристердің 70% жуығы ШЫҰ елдерінде тұратын азаматтар екенін атап өткім келеді. Қазақстан мен Қытай арасындағы визасыз режимді енгізу, ШЫҰ мәдени және туристік астанасын Алматы деп жариялау және 2024 жылды Қытайдағы Қазақстанның туризм жылы деп жариялау сияқты бірқатар негізгі халықаралық оқиғалар туризмді дамытуға және елдер арасындағы сындарлы диалогты одан әрі нығайтуға ерекше әрі күшті серпін береді, - деді Әлішер Әбдіқадыров.

Алматыға 2023 жылдың алты айында 261 571 шетелдік турист келді, оның ішінде ШЫҰ қатысушы елдерден 180 113 (68,8%) турист: Ресейден - 109 598 адам, ҚХР - 15 694 адам, Үндістаннан - 18 309 адам, Өзбекстаннан - 12 816 адам, Қырғызстаннан - 14 386 адам, Тәжікстаннан - 7 585 адам. Пәкістаннан - 732 адам, Ираннан - 993 адам.

Бүгінгі таңда Алматының алдына ішкі және сыртқы туризмді дамыту, сондай-ақ тартымды, бәсекеге қабілетті туристік бағыт ретінде қаланың оң имиджін қалыптастыру мақсаттары қойылды. 2024 жылы Алматыға 520 мыңнан астам шетелдік турист, 2030 жылға қарай миллионға дейін адам келеді деп жоспарлануда.

ШЫҰ форумы аясында бірқатар панельдік сессиялар өтті, соның ішінде Шанхай Ынтымақтастық Ұйымына мүше елдерде тұрақты туризмді ілгерілету бойынша. Орнықты туризм, сондай-ақ экологиялық тұрақты немесе жауапты туризм ретінде белгілі, саланың қоршаған ортаға теріс әсерін азайтуға, биоәртүрлілік пен мәдени мұраны сақтау бойынша шаралар қабылдауға, әлеуметтік қатынастар мен жергілікті қоғамдастық экономикасын дамытуға бағытталған. Орнықты туризмнің негізгі идеясы келушілердің қажеттіліктері мен табиғатты, мәдениетті және дестинациялық экономиканы сақтау арасындағы тепе-теңдікті қамтамасыз ету болып табылады.

Оқи отырыңыз: Қанша босқын Қазақстаннан пана тапты

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир