Шымбұлақ үздік тау шаңғысы курорты атанды

«Шымбұлақ» таулы курорты 9-13 қазан аралығында Сочидегі «Красная Поляна» курортында өтетін туристік аумақтар форумы аясында SKI BUSINESS AWARDS 2023 нұсқасы бойынша «Үздік тау шаңғысы курорты» атағына ие болды, деп хабарлайды Almaty.tv.

Федералдық форумда 1000-нан астам инвестор, бизнесмен, тау шаңғысы кешендерінің, қалалық және қала сыртындағы туристік нысандардың, ойын-сауық саябақтарының, қонақ үйлердің, мейрамханалардың және федералдық және өңірлік деңгейдегі билік органдарының өкілдері кездесті.

Форум аясында ТМД елдерінің шетелдік әріптестерімен инвестициялық тартымды жобаларда туристік инфрақұрылымды құру бойынша жобаларды іске қосу мен іске асыру стратегиясы талқыланды.

Форумның іскерлік бағдарламасы қауіпсіз, сапалы және қызықты демалыс мәселелеріне арналды. Туристік сала сарапшылары кәсіби тәжірибелерімен бөлісіп, туристік нарыққа қатысушылардың өзара іс-қимылы бойынша жаңа форматтарды талқылады.

- Өткен форум өте жарқын әсер қалдырды. Біздің тау курортының ТМД-ның 200 курорты арасында беделді «Үздік тау курорты» марапатын алуы - бұл құрметті атақтан гөрі артық. Бұл біздің еңбегіміз бен іске адалдығымыздың әлемдік деңгейде бағаланғанының дәлелі. Бұл марапат «Шымбұлақ» мәртебесін арттырып қана қоймай, Қазақстанның тау туризмі саласындағы талассыз әлеуетіне баса назар аударады. Ол бүкіл біздің команда үшін Қазақстанның әлемдік туристік аренадағы позициясын нығайта отырып, жұмысты жалғастыруға ынталандырады. Біз Алматыда және жалпы Қазақстанда туризмді ілгерілете отырып, жауапкершілік пен мақтанышты сезінеміз, - деп атап өтті «Шымбұлақ» ТК бас директоры Абдрахманов Ринат.

«Шымбұлақ» таулы курорты уақыт өте келе серпінді дамып келе жатқан курорт ретінде көрсетеді. Сонымен қатар «Шымбұлақ» ТК әлемдегі ең биік тау шаңғысы трассасы ретінде Гиннесс рекордын орнатты, беткейдің биіктігі - 3200 метр, ал ұзындығы - 3 640 метр.

Бүгінгі таңда «Шымбұлақ» таулы курорты курорттық аймақтың барлық халықаралық стандарттарына сәйкес келетін дамыған инфрақұрылымы бар, жыл сайын 1,2 миллионнан астам келушілерді қабылдайтын және ірі халықаралық спорттық жарыстарды өткізу тәжірибесімен бөлісе алатын Қазақстанның ең маңызды көрікті жері болып табылады. Алматы өңірінде туристік ағымның оң динамикасы байқалады, ал өңірдегі тау туризмінің әлеуеті оның даму перспективаларын атап көрсетеді. Алматы қаласы әкімдігінің туризм басқармасының ресми ақпаратына сәйкес 2023 жылдың үшінші тоқсанында өңірге бір жарым миллионнан астам турист келген.

Оқи отырыңыз: Алматыдағы креатив орталығы жұмысын қашан бастайды