Үйлену тойында болған сұмдық жағдай видеоға түсіп қалды

26.10.2019 15:37

Желі қолданушылары оқиға Қырғызстанда болғанын айтады. Алайда жаппай төбелестің қандай қалада болғаны нақты белгісіз

СС0 / Free-Photos

Әлеуметтік желіде үйлену тойында болған жаппай төбелестің видеосы тарап кетті. Оқиға Қырғызстанда болды деген болжам жасалып отыр.

"Короче" telegram-каналы тойда болған төбелестің екі видеосын жүктеді, деп хабарлайды Sputnik Қырғызстан.

Кадрдегі адамдардың қырғыз тілінде сөйлегені естіледі. Желі қолданушыларының бірі оқиға Ошта, енді бірі Жалал-Абадта болды деген пікір білдірді.

Ош қаласының ішкі істер басқармасының мамандары мұндай ақпарат түспегенін айтты. Милиция видеоны тексеріп, мән-жайды анықтап жатыр.