|
12.05.2022 | 10:50
242

Қытайда жолаушылар отырған ұшақ өртеніп кетті

Апаттың мән-жайы әзірге белгісіз

Қытайда жолаушылар отырған ұшақ өртеніп кетті

Қытайдың оңтүстік-батысында жолаушылар отырған ұшақ ұшу-қону жолағынан шығып, өртеніп кетті, деп хабарлайды Almaty.tv тілшісі Tengrinews.kz-ке сілтеме жасап.

Оқиға бейсенбіде жергілікті уақыт бойынша сағат 08.00-де болған. Tibet Airlines қытайлық әуекомпаниясының A319 әуелайнерінде 122 адам отырған. Ұшақ ұшу-қону жолағынан шығып кетіп, Чунцин әуежайының маңында өртеніп кетті.

Бортта болған 113 жолаушы мен 9 экипаж мүшелерінің арасында қаза тапқандар мен зардап шеккендер жоқ.

Алайда дереккөздердің мәліметінше, 40-қа жуық адам зардап шеккен, олар ауруханаға жеткізілген. Апаттың мән-жайы әзірге белгісіз.

Одан бөлек, бұл жағдайдан кейін әуежай ұшу-қону жолағын жауып тастаған, рейстер кешігіп жатыр. Ал қонуы керек болған ұшақтар Чэнду Шуанлю әуежайына жіберілген.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир