|
22.01.2019 | 11:17
2214

Қытай билігі гені модификацияланған балалардың дүниеге келгенін растады

Қытай билігі гені модификацияланған балалардың дүниеге келгенін растады

Қытай билігі Лулу мен Нана есімді егіз баланың бар екенін растады, олардың CCR5 гені жоқ, бұл ВИЧ-тің алдын алады-мыс. Бұл туралы South China Morning Post басылымында мақала шықты, деп жазды Tengrinews.kz.

Тергеу мәліметінше, Хэ Цзянькуй 2016 жылдың маусымында өз қаражатына шетелдіктерден тұратын бір топ адамды жинап, әлі күнге белгісіз техниканы, қауіпсіздік деңгейін және тиімділігін қолданып, қандай да бір бақылаудан қасақана жалтарып, елде ресми түрде тыйым салынған ДНҚ модификациясы бойынша эксперимент жүргізген.

Экспериментке қатысатындарды жинау үшін ол этикалық сараптаманың қорытындысын қолдан жасап, 2017 жылдың наурызынан 2018 жылдың қарашасына дейін сегіз ерікті жұпты тартқан, олардың ішінде ВИЧ жұқтырған ерлер мен сау әйелдер болған.

Қорытындысында, екі әйел жүкті болып, біріншісінен бүгінде Лулу мен Нана есімді егіз бала дүниеге келген, ал екіншісінің аты-жөні әзірше белгісіз. Ғалым мен оның көмекшілеріне қатысты заңнамаға сай қатаң шаралар жүретіні, күдіктілердің ісі қоғамдық қауіпсіздік органдарына берілетіні айтылады.

Гуандун провинциясының билігі егіз бала мен жүкті әйелге медициналық бақылау орнатпақшы.

Еске салайық, 2018 жылдың қарашасында Хэ Цзянькуй әлемді ағзасы ВИЧ-ке төтеп бере алатындай ДНҚ-сы модификацияланған балалардың туғанын хабарлап, әлемді дүр сілкіндірген еді. Осыдан кейін ол ғалым әріптестерінен де, билік тарапынан да сын естіді.



Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир