Әлемде әуе билетінің бағасы қымбаттауы мүмкін

Жанармай бағасы көтерілген сайын әуе билетінің де бағасы қымбаттап, шығын тұтынушыларға жүктеледі, деп хабарлайды Almaty.tv тілшісі ҚазАқпаратқа сілтеме жасап. 

Халықаралық әуе көлігі қауымдастығының (IATA) бас директоры Вилли Уолш BBC Sunday Morning-ке «Ұшу тұтынушылар үшін қымбатқа түсетіні сөзсіз, мұнайдың жоғары бағасы билет бағасының қымбаттауына әкеледі» деді. Жанармай бағасы бұрын-соңды болмаған жоғары деңгейге көтеріліп, авиакомпаниялардың ең үлкен шығын элементіне айналды. Мұнайдың жоғары бағасы ақыры тұтынушыларға билет бағасының қымбаттауы түрінде ықпал ететіні сөзсіз. Демалушылар әуе жолының құны қымбаттайтынына дайын болуы керек. Мұнай бағасы коронавирус пандемиясынан қалпына келе бастаған елдерде сұраныстың артуына байланысты өсуде. 

Сонымен қатар АҚШ-тың және Ұлыбритания мен ЕО елдерінің ресейлік мұнай импортын кезең-кезеңімен тоқтату жоспарлары басқа өндірушілерден мұнайға сұраныстың артқанын білдіреді, бұл өз кезегінде бағаның өсуіне әкелді.