«Үйінен адам сүйектері табылған»: ер адамның 37 жыл бұрынғы ауыр қылмысы ашылды

Ұлыбританияда 86 жастағы фермер ұсталды, деп хабарлайды Sputnik.

Ол 1982 жылы өз әйелін өлтірді деген күдікке ілініпті. Әйелі осыдан 37 жыл бұрын ұшты-күйлі жоғалып кеткен.

Фермер көршілеріне жарының Испанияға аттанғанын, содан қайтып келмегенін айтқан. Алайда жергілікті тұрғындар, әйел өз-өзіне қол жұмсады деген ойда болған.

Тәртіп сақшылары 86 жастағы фермердің үйін тінтіп шығып, белгісіз адамның сүйектерін тауыпты. Ол септик резервуарында болған. Сараптама жұмыстары жүргізіліп жатыр. Алайда полиция адам сүйектерінің осыдан 37 жыл бұрын жоғалған әйелге тиесілі екеніне сенімді.

Зейнеткер үйін сатып, көшіп кеткен. Оның мұндай қадамға не үшін барғаны әзірге белгісіз.