Байқоңырдан «Арктика-М» спутнигімен «Союз» зымыран тасығышы ұшырылды, деп хабарлайды Almaty.tv тілшісі РИА Новостиге сілтеме жасап.
Бұл – Арктикадағы климат пен қоршаған ортаны бақылауға, зерттеуге арналған алғашқы ресейлік ғарыш кемесі. Оның салмағы – 2.2 тонна, қызмет ету мерзімі – жеті жыл.
Ол Метеорология, Гидрология, Агрометеорология мәселелерін шешуді қарастырады. Өнім көрінетін және инфрақызыл диапазондарда бұлт пен жер бетінің көп спектрлі суреттерін жасайтын екі көп аймақты сканерлеу құрылғыларымен (MSU-GS) жабдықталған.
Сондай ақ, зымыранда күннің тұтану белсенділігі мен жер маңындағы ғарыш кеңістігіндегі радиациялық жағдайды бақылау және болжау үшін гелиогеофизикалық аппараттық кешен (ГГАК-ВЭ), метеоақпаратты және халықаралық ғарыштық іздестіру-құтқару жүйесінің авариялық радиобуяларынан сигналдарды ретрансляциялауға арналған аппаратура орнатылды.
Ресейдің Арктикадағы орбиталық бақылау тобы осындай екі спутниктен тұрады. Бұл жер беті мен Солтүстік Мұзды мұхиттың теңіздерін тәулік бойы ауа-райының бақылауын қамтамасыз етеді.
Екінші «Арктика-М» зымыранын ұшыру 2023 жылы, тағы үш спутникті 2024-2025 жылдары ұшыру жоспарланған. 2025 жылдан кейін олардың орнына Арктика-МП жаңа буынының бес спутнигі жіберілмек.
