АҚШ-та COVID-19 індетіне байланысты жағдай жақсарып келеді

Бүгінде АҚШ-та вирус жұқтырғандар саны 5 миллионға жуықтап қалды. Америкалық көшбасшы Дональд Трамп АҚШ-тағы COVID-19 коронавирустық инфекциясы шегіне бастады деп санайды. Бұл туралы Baq.kz  ТАСС агенттігіне сілтеме жасап хабарлайды.

«Біз айтарлықтай прогрестің дәлелін көріп отырмыз. Бұл - вирустың шегіне бастағанының белгісі», – деді од Ақ үйдегі баспасөз мәслихатында.

Бұған дейін Ұлттық губернаторлар қауымдастығы Трампты COVID-19-ға қарсы Ұлттық гвардияның операцияларын федералды бюджет есебінен қосымша қаржыландыруға шақырды.

АҚШ Президентінің айтуынша, соңғы аптада елде анықталған жағдайлардың саны шамамен 6%-ға төмендеген. Жалпы, елде коронавирус инфекциясын анықтау үшін 60 миллион тест жүргізілген.

Джонс Хопкинс университетінің мәліметінше, АҚШ-та 3 тамызда 4,71 миллион COVID-19 оқиғасы тіркелді, 155,3 мыңнан астам адам қайтыс болды.