Дағыстанда екі қыз шатқалдағы әткеншектен құзға құлап кетті

Дағыстанда екі қыз шатқалдағы әткеншектен құзға құлап кетті. Сулак каньонында орын алған жазатайым оқиғаны куәгерлердің бірі видеоға түсіріп алған. Бейнежазбада бойжеткендердің шатқал шетінде орнатылған әткеншекте отырғанын және оларды артынан ер адамның итеріп тұрғанын байқауға болады, деп хабарлайды Almaty.tv

Алайда, қас қағым сәтте әткеншекті ұстап тұрған шынжыр үзіліп, 2 қыз құзға құлап кетеді. Жергілікті полицияның мәлімдеуінше, зардап шеккендер ауыр жарақат алмаған. Қазіргі уақытта Дағыстанның Ішкі істер министрлігі "аттракцион" енді жұмыс істемейтінін және оны бұзу туралы шешім қабылданатынын хабарлап, прокуратура тексеріс шараларын бастады.